რუსთაველის გამზირზე საქართველოს დამოუკიდებლობის დღისადმი მიძღვნილ ღონისძიებებს "ნაციონალური მოძრაობის" ლიდერი, დავით ბაქრაძე დაესწრო.
როგორც ბაქრაძემ ჟურნალისტებთან საუბრისას განაცხადა, ქვეყნის დამოუკიდებლობა წინაპრების ბრძოლის შედეგია, მაგრამ ასევე დიდი ბრძოლაა საჭირო, რომ მოპოვებული დამოუკიდებლობა ნამდვილ თავისუფლებაში გადაიზარდოს.
"ჩვენი დამოუკიდებლობა ჩვენი წინაპრების, საქართველოს თავისუფლებისთვის ყველა თაობის ბრძოლის შედეგია. ამიტომ დღეს ჩვენი მოვალეობაა ასევე მუხლჩაუხრელად ვიშრომოთ და ვიბრძოლოთ იმისთვის, რომ ეს დამოუკიდებლობა გადავზარდოთ ნამდვილ თავისუფლებაში და საქართველო იყოს მშვიდობიანი, გამთლიანებული, ევროპული და დემოკრატიული სახელმწიფო,"_ განაცხადა ბაქრაძემ.
.
წყარო:
gurianews.com
gurianews.com
26.05.2016